Qanoq peqqitsigaat ?
Akissallugu nalunarsinnaavoq, peqqinnermi sunarpiaava? Amerlasuut akissajunnarsipput: ”peqqinnartumik nerisaqarneq timersornerlu!” Tamanna ilumoorpoq, sianissutsikkulli peqqinneq ilanngutissallugu aamma pingaaruteqarpoq, angusaqarnerorusukkuit timeq tarnerlu ingerlaqatigiittariaqarmata.
Nerisaqarneq, timersorneq, sininnerlu inuulluarnissamut ineriartornermullu sunniutaat annertupput. Sunik imigaqarlutillu nerisaqarnerit, qanorlu aalatiginerit sininnerillu aaliangiisuupput qanoq misiginersutit qanorlu eqqarsarluartigisinnaanersutit. Taamaattumik aamma aaliangiisuullutik ulluinnarni qanoq ingerlanersutit, aammalu imminut qanoq naleqassutsikkut misiginertutit.
Inuulluarpit imaluunniit inuuniarsarivit?
Inuunerit ataqatigiinneqarpa?
Nuannaarpit pilluarlutillu? ☺
Peqqinneq inuulluataarnerlu aqqutissaavoq inuunerup naleqarnerulernissaanut! Ullut nukissaqarfiunerusut, nuannaarfiunerusut, nuannersumillu eqqarsartaaseqarfiusut. Ilinniagarinikuusakka timersorneq, nerisaqarneq, aammalu eqqarsartariaaseq pillugit ilisimasakka atorlugit innersuisarpunga, tamarmimmi imminnut atallutillu sunniuteqaateqartarmata. Taamaammat timikkut tarnikkullu peqqinneq anguniagaralugu sulisarlunga.